હાર્દિક પંડ્યાની જરૂર નથી, આ ઘાતક ખેલાડી જીતાડશે વર્લ્ડકપ… – વસીમ જાફરે

છેલ્લા ઘણા સમયથી ભારતીય ટીમમાં મોટી ફેરબદલી જોવા મળી રહી છે. ભારતીય ટીમના કેપ્ટન રોહિત શર્મા બન્યા પછી ઘણા યુવા ખેલાડીઓને સ્થાન આપવામાં આવ્યું છે અને ખરાબ ફોર્મમાં ચાલી રહેલા ખેલાડીઓને બહારનો રસ્તો દેખાડી દેવામાં આવ્યો છે. છેલ્લા ઘણા સમયથી ભારતીય ઓલરાઉન્ડર ખેલાડી હાર્દિક પંડ્યા ભારતીય ટીમમાંથી બહાર રહ્યો છે.

હાર્દિક પંડ્યા ટી-20 વર્લ્ડકપ બાદ પોતાની ફિટનેસ પાછી મેળવવામાં સફળ રહ્યો નથી. આ ઉપરાંત તેની બોલિંગમાં પણ ધાર દેખાતી નથી. હાર્દિક પંડ્યા ભારતીય ટીમ માટે ઘણો મહત્વનો ખેલાડી હતો. તે ટીમનો મિડલ ઓર્ડર સારી રીતે સંભાળી રહ્યો હતો. આ ઉપરાંત ઘણી વિકેટો પણ પોતાના દમ પર લેતો હતો. તે ભારતીય ટીમમાં ઘણી મેચોમાં મેચ વિનર સાબિત થયો છે.

ભારતીય પૂર્વ દિગ્ગજ બેટ્સમેન વસીમ જાફરે તેના સ્પષ્ટ શબ્દોમાં કહ્યું છે કે હાર્દિકને ટીમ ઇન્ડિયામાં તક આપવાની જરૂર નથી. તાજેતરમાં આ ઘાતક ખેલાડી ઓલરાઉન્ડર પ્રદર્શનમાં તેના કરતા પણ આગળ નીકળી ગયો છે. આ ઉપરાંત હાર્દિક પંડ્યા પોતાના પ્રદર્શનમાં નિષ્ફળ જઇ રહ્યો છે. તો ચાલો જાણીએ આ ખેલાડી કોણ છે.

હાલમાં ભારત અને વેસ્ટ ઇન્ડીઝ વચ્ચે ત્રણ મેચોની ટી-20 સિરીઝ રમાઇ રહી હતી, જેમાં ઓલરાઉન્ડર ખેલાડી વેંકટેશ ઐયરે જબરદસ્ત પ્રદર્શન કર્યું હતું. આ ખેલાડીએ બેટિંગ અને બોલિંગમાં તબાહી મચાવી હતી. તેણે ત્રીજી ટી-20 મેચમાં બે વિકેટ લીધી હતી, આ ઉપરાંત 19 બોલમાં 35 રન બનાવ્યા હતા. છેલ્લા ઘણા સમયથી તે સારા ફોર્મમાં ચાલી રહ્યો છે.

વસિમ જાફરે કહ્યું કે વેંકટેશ ઐયરે આ સમયે હાર્દિક પંડ્યા કરતાં ઘણો આગળ છે કારણ કે તે સ્પષ્ટ છે કે હાર્દિક પંડ્યા બોલિંગ કરશે કે નહીં તે તેની ફિટનેસ પર આધારિત છે પરંતુ હાલમાં આ ખેલાડી ઓલરાઉન્ડર તરીકે જબરદસ્ત પ્રદર્શન કરી રહ્યો છે. આ ખેલાડીએ આઇપીએલમાં પણ જબરદસ્ત પ્રદર્શન કર્યું છે. કોલકાતા નાઇટ રાઇડર્સ દ્વારા આ વર્ષે તેને રિટેન કરવામાં આવ્યો છે.

ભારતીય ટીમ હાર્દિક પંડ્યા ન હોવાને કારણે છેલ્લા ઘણા સમયથી એક મજબૂત ઓલરાઉન્ડર ખેલાડીની શોધમાં હતી. આવા સમયે વેંકટેશ ઐયર હાર્દિક પંડ્યાની કમી પૂરી કરી શકે તેમ છે. આ ખેલાડી સારું પ્રદર્શન કરીને હાર્દિકનું પત્તું કાપી શકે છે અને કાયમી જગ્યા બનાવી શકે છે. ભારતીય કેપ્ટન રોહિત શર્મા આગામી વર્લ્ડકપને ધ્યાનમાં રાખીને એક મજબૂત ટીમ તૈયાર કરી રહ્યો છે.