ટ્રેવિસ હેડે કહ્યું- મેં 137 રન બનાવ્યા પરંતુ આ 2 ગુજરાતી ખેલાડીઓ મારા માટે બન્યા હતા માથાનો દુખાવો…
ગઈકાલે ભારત અને ઓસ્ટ્રેલિયા વચ્ચે અમદાવાદના નરેન્દ્ર મોદી સ્ટેડિયમ ખાતે વર્લ્ડ કપની ફાઇનલ મેચ રમાઈ હતી. જેમાં ભારતીય ટીમને હારનો સામનો કરવો પડ્યો છે. બીજી તરફ ઓસ્ટ્રેલિયન ટીમ છઠ્ઠી વખત વિજેતા બની છે. આ મેચ છેલ્લે સુધી કટોકટીની સ્થિતિમાં પણ જોવા મળી હતી. મેચ પૂર્ણ થયા બાદ ઓસ્ટ્રેલિયન સ્ટાર બેટ્સમેન ટ્રેવિસ હેડ દ્વારા એક મહત્વનું નિવેદન આપવામાં આવ્યું છે.
સમગ્ર મેચની વાત કરીએ તો ભારતીય ટીમે પ્રથમ બેટિંગ કરતી વખતે 50 ઓવરમાં માત્ર 240 રન જ બનાવ્યા હતા. ત્યારબાદ ઓસ્ટ્રેલિયન ટીમે 4 વિકેટ ગુમાવીને 43 ઓવરમાં ટાર્ગેટ પૂર્ણ કર્યો હતો અને જીત મેળવી હતી. આ મેચમાં ટ્રેવિસ હેડે જબરદસ્ત પ્રદર્શન કરીને 137 રન બનાવ્યા હતા તે મેચ વિનર બન્યો હતો. તેણે મેચ બાદ આ બે ગુજરાતી ખેલાડીઓ વિશે ઘણી વાતો કહી છે.
ટ્રેવિસ હેડે ઇન્ટરવ્યૂ દરમિયાન જણાવ્યું હતું કે મેં 137 રન બનાવ્યા પરંતુ આ બે ગુજરાતી સ્ટાર ખેલાડીઓ અમારા માટે કાળ બન્યા હોય તેવું કહી શકાય છે. તેઓની બોલિંગ સામે રમવું ખરેખર મુશ્કેલ હતું બીજી તરફ તેઓ દરેક બોલ ક્રિકેટ અનુસાર ફેંકતા જોવા મળ્યા હતા. જેથી દરેક બોલમાં મુશ્કેલી થઈ રહી હતી. તો ચાલો આપણે જાણીએ કે આ બંને ખેલાડીઓ કોણ કોણ છે.
તમને જણાવી દઈએ કે ટ્રેવિસ હેડે સૌપ્રથમ જસપ્રીત બુમરાહની બોલિંગ વિશે ઘણી વાતો કરી છે. તેણે જણાવ્યું છે કે બુમરાહે શરૂઆતમાં જ આવીને ઘણી કડક બોલિંગ કરી હતી. જેથી શરૂઆતમાં અમે પીચ પર ટકી રહેવાનું વિચાર્યું હતું. તેનો દરેક બોલ અમારા માટે કાળ બની રહ્યો હતો. તે બંને બાજુ બોલ લહેરાવવાની આવડત ધરાવતો હતો. જેથી તેની સામે ટકી રહેવું પણ મુશ્કેલ હતું.
આ ઉપરાંત ટ્રેવિસ હેડે રવિન્દ્ર જાડેજાની બોલિંગ વિશે પણ ઘણી વાતો કહી છે. તેણે જણાવ્યું હતું કે રવિન્દ્ર જાડેજા પણ સ્પીન બોલીંગનો માસ્ટર છે. તે પણ સૌથી વધારે સ્વિંગ કરાવી શકે છે. જેના કારણે ઘણી મુશ્કેલીઓ થાય છે. અમે જીત મેળવી પરંતુ આ ખેલાડીઓ અમારા માટે આજે કાળ સાબિત થયા હતા. ભારતીય ટીમ ઘણી મજબૂત જોવા મળી પરંતુ તેઓને હાર મળી છે.
