બીજી વન-ડેમાં આવી કંઇક રહેશે ભારતીય ટીમ, જાણો કોને મળશે સ્થાન અને કોના પત્તા કપાશે…
ભારત અને સાઉથ આફ્રિકા વચ્ચે હાલમાં ત્રણ મેચોની વન-ડે રમાઇ રહી છે. ભારતીય ટીમે પ્રથમ વન-ડે મેચમાં આફ્રિકા સામે હાર મેળવી છે. આફ્રિકા સામેની વન-ડે સિરીઝમાં રાહુલને કેપ્ટન અને જસપ્રીત બુમરાહને વાઇસ કેપ્ટનનું પદ સોંપવામાં આવ્યું છે. આફ્રિકા હાલ 1-0 થી આગળ ચાલી રહ્યું છે. ભારતીય ટીમને આ સિરીઝ જીતવા માટે બાકીની બંને મેચ જીતવી ખૂબ જરૂરી છે.
ભારતીય કેપ્ટન કેએલ રાહુલ 21 જાન્યુઆરીએ રમાનારી બીજી વનડે મેચની પ્લેઇંગ ઇલેવનમાં ઘણા ફેરફારો કરી શકે છે. પ્રથમ વનડે મેચમાં ઘણા ખેલાડીઓએ ખરાબ પ્રદર્શન કર્યું હતું અને તેના કારણે જ ભારતીય ટીમને હારનો સામનો કરવો પડ્યો હતો. આવી સ્થિતિમાં ઘણા ખેલાડીઓના પત્તા કપાઇ શકે છે. તો ચાલો જોઇએ બીજી વનડે મેચમાં કેવી રહેશે ભારતીય પ્લેઇંગ ઇલેવન.
બીજી વનડે મેચ માટે ઓપનર ખેલાડીની વાત કરીએ તો રોહિત શર્માની ગેરહાજરીના કારણે કેએલ રાહુલ અને શિખર ધવનનું સ્થાન નિશ્ચિત છે. શિખર ધવને પ્રથમ વનડે મેચમાં પણ 79 રન બનાવીને ભારતને શાનદાર શરૂઆત અપાવી હતી. નંબર 3 પર ભારતીય પૂર્વ કેપ્ટન વિરાટ કોહલી ઉતરશે તે નિશ્ચિત છે.
આફ્રિકા સામેની બીજી વન-ડે મેચમાં ભારતીય વિકેટકીપર બેટ્સમેન રિષભ પંત નંબર 4 પર ઉતરશે. ત્યારબાદ નંબર 5 પર પ્રથમ વનડે મેચમાં શ્રેયસ ઐયરને સ્થાન આપવામાં આવ્યું હતું પરંતુ તે કંઈ ખાસ પ્રદર્શન કરી શક્યો નહીં. આવી સ્થિતિમાં તેના સ્થાને સુર્યકુમાર યાદવને તક આપવામાં આવશે. ઘણાં લાંબા સમયથી આ ખેલાડી ભારતીય ટીમમાં પ્રવેશ મેળવવા રાહ જોઈ રહ્યો છે.
ભારતીય ઓલરાઉન્ડર ખેલાડી વેંકટેશ ઐયરે પ્રથમ ટેસ્ટ મેચમાં ડેબ્યું કર્યું હતું અને બીજી વનડે મેચમાં પણ તેને નંબર 6 પર ઉતારીને એક વધુ તક આપવામાં આવશે. ભારતના દિગ્ગજ ઓલરાઉન્ડર ખેલાડી રવિચંદ્રન અશ્વિનને નંબર 7 પર ઉતરીને સ્પિનરની ભૂમિકા ભજવશે. આ ઉપરાંત નંબર 8 પર શાર્દુલ ઠાકુરને સ્થાન આપવામાં આવશે. આ ખેલાડી ફાસ્ટ બોલિંગ ઉપરાંત જબરદસ્ત બેટિંગ કરી રહ્યો છે.
આફ્રિકા સામેની બીજી વનડે મેચમાં ફાસ્ટ બોલર તરીકે જસપ્રીત બુમરાહ નંબર 9 પર ઉતરીને ફાસ્ટ બોલિંગની તમામ જવાબદારીઓ સંભાળશે. ભુવનેશ્વર કુમારની વાત કરીએ તો આ ખેલાડીને ખરાબ ફોર્મમાં હોવા છતાં પણ તક આપવામાં આવી હતી. પરંતુ તે ફરી એકવાર નિષ્ફળ રહ્યો છે. આવી સ્થિતિમાં તેમાં તેના સ્થાને નંબર 10 પર મોહમ્મદ સિરાજને સ્થાન આપવામાં આવશે. ભારતીય સ્પિનર બોલર યુજવેન્દ્ર ચહલ નંબર 11 પર ઉતરીને રવિચંદ્રન અશ્વિનને સ્પિન બોલિંગમાં સાથ આપશે.
