થઈ ગઈ મોટી ભવિષ્યવાણી, ટી 20 વર્લ્ડકપમાં આ ચાર ટીમો પહોંચશે સેમિફાઇનલમાં…
આઇસીસી ટી 20 વર્લ્ડકપ 2021 ની સુપર 12ની મેચો 23 ઓક્ટોબરથી શરૂ થશે. ભારત પોતાની પહેલી મેચ 24 ઓકટોબરના રોજ પાકિસ્તાન સામે દુબઇમાં રમી પોતાના અભિયાનની શરૂઆત કરશે.
સુપર 12ની મેચો શરૂ થાય તે પહેલા ટૂર્નામેન્ટની સેમિફાઇનલ મેચોમાં કોણ પહોંચશે તેને લઇને મોટી આગાહી કરવામાં આવી છે. તો ચાલો જાણીએ કે કઇ 4 ટીમો વર્તમાન આઇસીસી ટુર્નામેન્ટની સેમિફાઇનલ મેચોમાં પહોંચવા માટે દાવેદાર હોવાનું કહેવાય છે.
આમ તો ક્રિકેટ નિષ્ણાંતો સતત અટકળો લગાવતા રહે છે પરંતુ ઓસ્ટ્રેલિયાના ભૂતપૂર્વ ક્રિકેટર બ્રેડ હોગના મતે ભારત, પાકિસ્તાન, વેસ્ટ ઈન્ડિઝ અને ઇંગ્લેન્ડની ટીમ સેમીફાઇનલમાં પહોંચશે.
બ્રેડ હોગે એક શોમાં કહ્યું કે, મારા મતે ગ્રુપ-1 માંથી વેસ્ટ ઈન્ડિઝ અને ઇંગ્લેન્ડની ટીમ સેમીફાઇનલમાં પહોંચશે. જ્યારે ગ્રુપ-2 માંથી પાકિસ્તાન અને ભારતની ટીમ સેમીફાઇનલમાં પહોંચશે.
બ્રેડ હોગનું માનવું છે કે પાકિસ્તાને સેમિફાઇનલમાં પહોંચવા માટે ભારતને હરાવવું પડશે, તેમણે વધુમાં કહ્યું કે, જો પાકિસ્તાન ભારત સામે તેની પ્રથમ મેચ હાર જશે તો મને નથી લાગતું કે તે સેમિફાઇનલમાં પહોંચી શકશે.
આઇસીસી ટી 20 વર્લ્ડ કપ 2021 માં ભારત અને પાકિસ્તાન 24 ઓકટોબરના રોજ દુબઈ ઈન્ટરનેશનલ સ્ટેડિયમમાં ટકરાશે. તમને જાણીને નવાઇ લાગશે કે આ હાઇ વોલ્ટેજ મેચની ટિકિટો માત્ર એક કલાકમાં વેચાઇ ગઇ હતી. તમામ ક્રિકેટ ચાહકો આ મેચની આતુરતાથી રાહ જોઇ રહ્યા છે.
