ટીમ ઇન્ડિયાની ચિંતામાં વધારો, આ ઘાતક ખેલાડી નહીં રમે વેસ્ટ ઇન્ડીઝ સામેની સિરીઝ, કારણ છે કંઇક આવું…

ભારતીય ટીમ હાલમાં જ સાઉથ આફ્રિકા સામેની વનડે મેચમાં હારનો સામનો કરીને ભારત પરત ફરી છે. તેવામાં આગામી 6 ફેબ્રુઆરીથી વેસ્ટ ઇન્ડિઝ સામે વનડે સિરીઝ શરૂ થવા જઇ રહી છે. જેને લઇને બીસીસીઆઇ ટૂંક સમયમાં ભારતીય ટીમની જાહેરાત કરશે. આફ્રિકા પ્રવાસે ખરાબ પ્રદર્શન કરનાર ખેલાડીઓ ટીમમાંથી બહાર થઇ શકે છે અને ઘણા બધા ખેલાડીઓની વાપસી પણ થઇ શકે છે.

આફ્રિકા પ્રવાસ પહેલા જ ભારતીય ટીમનો કેપ્ટન રોહિત શર્મા ઇજાગ્રસ્ત તથા તે સમગ્ર પ્રવાસમાંથી બહાર થઇ ગયો હતો. જેના કારણે આફ્રિકા સામેની વન-ડે સિરીઝમાં કેએલ રાહુલને કેપ્ટન બનાવવામાં આવ્યો હતો. પરંતુ રાહુલ પોતાની જવાબદારીઓ નિભાવવામાં અસફળ રહ્યો હતો. જેના કારણે ભારતીય ટીમને કરારી હારનો સામનો કરવો પડ્યો છે.

આફ્રિકા સામેની સિરીઝમાં ઘણા બધા ખેલાડીઓનું પ્રદર્શન સાવ સાધારણ જોવા મળ્યું હતું. જેમાં એક ભુવનેશ્વર કુમારનું પણ આવે છે. ભુવનેશ્વર કુમાર સ્વિંગ બોલિંગ માટે જાણીતો છે. પરંતુ આ પ્રવાસ દરમિયાન તે નિષ્ફળ સાબિત થયો હતો. તેણે પહેલી બંને મેચોમાં ખૂબ રન આપ્યા હતા. પરંતુ વિકેટ લેવામાં અસફળ રહ્યો હતો. જેના કારણે વેસ્ટ ઇન્ડીઝ સામેની સિરીઝમાંથી તેનું પત્તું કપાઇ શકે છે.

વેસ્ટ ઇન્ડીઝ સામેની સિરીઝમાં મોહમ્મદ શમી, વોશિંગ્ટન સુંદર જેવા ખેલાડીઓનું પુનરાગમન થઇ શકે છે. આ ખેલાડીઓને આફ્રિકા સામેની સિરીઝમાં તક આપવામાં આવી ન હતી. ઇજાના કારણે આફ્રીકા પ્રવાસ ગુમાવનાર રોહિત શર્માનું સુકાની તરીકે પુનરાગમન થઇ શકે છે. આ સિવાય અક્ષર પટેલ પણ ફિટ થઇ ગયો હોવાથી તેને પણ તક મળી શકે છે.

માનવામાં આવી રહ્યું છે કે ભારતીય બોલર જસપ્રીત બુમરાહને વેસ્ટ ઇન્ડીઝ સામેની સિરીઝમાં આરામ આપવામાં આવી શકે છે. તમને જણાવી દઇએ કે જસપ્રીત બુમરાહે સાઉથ આફ્રિકામાં સર્વાધિક ઓવર્સ ફેંકી હતી. જેના કારણે તેને આરામ આપવો જરૂરી બની ગયો છે.

આ સિવાય ઓલરાઉન્ડર ખેલાડી રવિન્દ્ર જાડેજા પણ વેસ્ટ ઇન્ડીઝ સામેની સિરીઝમાંથી બહાર રહે તેવી પૂરેપૂરી સંભાવના છે. કોરોનાના કારણે સાઉથ આફ્રિકા સામેની વન ડે સિરીઝમાંથી બહાર થનારા વોશિંગ્ટન સુંદરને વેસ્ટ ઇન્ડીઝ સામેની સિરીઝમાં તક મળી શકે છે.

Leave a Reply

Your email address will not be published. Required fields are marked *