15 કરોડમાં વેચાયેલ આ ઘાતક ખેલાડી અચાનક જ મેગા ઓક્શનમાંથી થયો બહાર! કારણ છે ચોંકાવનારું…

આઇપીએલ 2022 પહેલા 11, 12 અને 13 ફેબ્રુઆરીના રોજ બેંગ્લોર ખાતે ભવ્ય મેગા ઓક્શનનું આયોજન થવાનું છે. અમદાવાદ અને લખનઉ બંને નવી ટીમો જોડાઇને ટોટલ 10 ટીમો આ સ્પર્ધામાં ભાગ લેશે. મેગા ઓક્શન પહેલા જુની તમામ ટીમોએ રીટેન્શન લિસ્ટ પણ બહાર પડ્યા છે. બાકીના ખેલાડીઓની પસંદગી મેગા ઓક્શનમાં થશે.

બીસીસીઆઇ દ્વારા છેલ્લા ઘણા સમયથી મેગા ઓક્શનની તૈયારીઓ કરવામાં આવી રહી છે. આ મેગા ઓક્શનમાં 590 ખેલાડીઓના નામ સામે આવ્યા છે, તેમાંથી 228 કેપ્ડ પ્લેયર છે. જ્યારે 355 ખેલાડીઓ અનકેપ્ડ છે. આ ઉપરાંત આઇપીએલ ટાઇટલ સ્પોન્સરશિપ ચીની કંપની વિવો પાસેથી લઇને ભારતીય કંપની ટાટાને આપવામાં આવી છે.

આઇપીએલ પહેલા યોજાનાર મેગા ઓક્શન ઘણું રસપ્રદ રહેશે. પરંતુ મેગા ઓક્શન પહેલા જ ખરાબ સમાચાર સામે આવ્યા છે. આ ખતરનાક બોલર હરાજીમાં ભાગ લઇ રહ્યો નથી. ગત સિઝનમાં તે 15 કરોડ રૂપિયામાં વેચાયો હતો. પરંતુ આ ઘાતક ખેલાડીએ હાલમાં હરાજીમાંથી બહાર રહેવાનું પસંદ કર્યું છે. તો ચાલો જાણીએ આ ખેલાડી કોણ છે.

તમને જણાવી દઇએ કે આ ખેલાડી ન્યૂઝીલેન્ડનો ઘાતક બોલર કાઇલ જેમિસન છે. આ ખેલાડી આ વર્ષે આઇપીએલના મેગા ઓક્શનમાં ભાગ લઇ રહ્યો નથી. ગત સિઝનમાં આરસીબી દ્વારા તેને 15 કરોડ રૂપિયામાં ખરીદવામાં આવ્યો હતો. આઇપીએલ 2021માં તેણે આરસીબીની ટીમ માટે 9 મેચોમાં 9 વિકેટ લીધી હતી. આ ખેલાડી પોતાની ઘાતક બોલિંગ માટે ખૂબ જ જાણીતો છે.

ન્યૂઝીલેન્ડના સ્ટાર બોલર જેમિસને પોતાની બોલિંગથી દુનિયાભરમાં ધૂમ મચાવી છે. તેણે 12 ટેસ્ટ મેચમાં 60 વિકેટ લીધી છે, 5 વન-ડે મેચમાં 5 વિકેટ લીધી છે અને 8 ટી-20 મેચમાં 8 વિકેટ લીધી છે. તેના બોલને રમવો કોઇ પણ બેટ્સમેન માટે સરળ નથી. પરંતુ અચાનક હરાજીમાંથી તેણે પોતાનું નામ પરત ખેંચી લેતા ક્રિકેટ ચાહકોને મોટો ઝટકો લાગે છે.

ન્યૂઝીલેન્ડના જેમિસનની ઊંચાઈ 6 ફૂટ 8 ઇંચ છે. જેના કારણે તેનો બોલ ખૂબ જ ઝડપથી હાથમાંથી નીકળી જાય છે અને તેની બોલિંગમાં સ્પીડ પણ રહેલી છે. આ ઘાતક ખેલાડી 2022 આઇપીએલમાં રમતો જોવા મળશે નહીં. અમદાવાદ અને લખનઉની ટીમે પણ પોતાના રીટેન્શન લિસ્ટ બહાર પાડ્યા છે. આ ઉપરાંત તમામ ટીમો બાકીના ખેલાડીઓની પસંદગી મેગા ઓક્શનમાં કરશે.