રહેણાંક વિસ્તારમાં આવ્યો છ ફૂટ લાંબો મગર, અહીંના લોકોએ તેની સાથે કર્યું કંઈક એવું કે…

વડોદરામાંથી પસાર થતી વિશ્વામિત્રી નદીના મગરો વરસાદ પડતાની સાથે જ રહેણાંક વિસ્તારોમાં આવી ચઢતા હોય છે. આજે ભારે વરસાદને કારણે નદી માંથી એક મગર રહેણાંક વિસ્તારમાં આવી ગયો હતો. રહેણાક વિસ્તારમાં આંટાફેરા કરતા લોકોની નજર તેના પર પડી હતી. ત્યારબાદ રેસ્ક્યુ ટીમને બોલાવવામાં આવી હતી.

ત્યારબાદ રેસ્ક્યૂ ટીમ દ્વારા આ મગરને પકડી પાડી તેને રિક્ષામાં ભરીને લઇ જવામાં આવ્યો હતો. વડોદરા માંથી પસાર થતી વિશ્વામિત્રી નદીને મગરોનું ઘર કહેવામાં આવે છે. અહીંયા શહેરની વચ્ચેથી પસાર થતી નદીમાં 240થી પણ વધુ મગરો વસે છે. આ મગરો વરસાદ પડતાની સાથે જ રહેણાંક વિસ્તારોમાં આવી ચઢતા હોય છે.

આ નદી શહેરના ખૂણે ખૂણેથી સર્પાકારે પસાર થાય છે. જેને કારણે અનેક રહેણાંક વિસ્તારો નદીના કાંઠા વિસ્તારને સ્પર્શે છે. અત્યારે ચોમાસાની ઋતુ દરમિયાન વધારે વરસાદ પડવાને કારણે ખોરાક શોધવા માટે અથવા તો માર્ગ ભટકી જવાને કારણે મગરો રહેણાંક વિસ્તારમાં આવી ચઢે છે.

આજે શહેરના સલાટવાડા વિસ્તારમાં 6 ફૂટ લાંબો મગર આવી ચઢ્યો હતો. આ મગરને જોવા માટે અનેક લોકો ઉમટી પડ્યા હતા. ત્યારે અહીંના લોકોએ વાઇલ્ડ લાઇફ સંસ્થા અને વનવિભાગની ટીમને જાણ કરતા રેસ્ક્યૂ કરવા માટે ટીમ આવી ગઈ હતી.

આ રેસ્ક્યૂ ટીમ દ્વારા ફિક્સ એસઓપી મુજબ મગરનું મોઢુ અને બંને પગ બાંધીને રિક્ષામાં લઈ જવામાં આવ્યો હતો. આવી રીતે રિક્ષામાં મગરને લઈ જતા તમને વડોદરા શહેરમાં જ જોવા મળશે.

આ મગરને હાલ વનવિભાગને સોંપી દેવામાં આવ્યો છે. ત્યારબાદ ફરી એક વખત તેને આ વિસ્તારોમાં છોડવામાં આવે છે. વનવિભાગ દ્વારા તે મગરને સરોવરમાં કે પછી વિશ્વામિત્રી નદીમાં છોડી મૂકવામાં આવે છે.

Leave a Reply

Your email address will not be published. Required fields are marked *